造人失敗！蔡瀚億諗到半夜餵奶嗌救命

結婚六年多的藝人蔡瀚億（BabyJohn），揚言想生卻未有好消息，令人聯想會否身體出現問題，他說：「新年不停被人問，我亦趁有時間去咗做身體檢查，好彩一切正常，大家唔使擔心。」雖然恨生B，但見到身邊朋友湊仔辛苦，一度令他卻步，他說：「見啲朋友湊初生BB要兩、三個鐘或半夜起身餵奶，呢吓真係會叫救命，但當BB冧你嗰陣又會順番，生唔生真係好難定，惟有隨其自然。」

曾獲金像獎最佳新人獎的他，除了拍電影外，近年亦殺入電視圈，劇集更在熱播中，他透露今次是第二次拍劇，第一套以搞笑為主，今次更多發揮，他說：「唔單止有搞笑，啲人睇完覺得我將把聲變呂奇好得意，而劇中除咗有親情，友情外，還會有啲淒涼，好多內心戲，個立體感好重，拍完令我覺得今年想要尋求更多突破，想畀觀眾多元化啲。」他表示今年主力電影發展，當中有個角色對他來是很大挑戰，但未諗透露詳情。問到最想挑戰邊類角色？他說：「最想拍真人真事寫實嘅電影，因為真係有呢個人嘅存在，好有挑戰。」

服裝:COS

髮型:Domanic Tao@O4

場地:INDEX