人母大解放！林志穎老婆瞓身晒長腿

台灣男星林志穎嘅太太陳若儀係模特兒出身，所以身材有番咁上下，就算生咗三個囝囝，但身形依然Fit到爆，仲有一雙煞食長腿！

近日佢去咗一個陽光與海灘嘅地方度假，連日嚟都有喺社交網上載水着照，睇相見到佢除咗着上黑色連身泳衣大晒超長腿之外，呢日又換上白色連身泳衣，佢坐喺沙灘椅上自拍同埋托腮攤喺沙灘度，雖然兩張相佢都用手擋住心口，但事業線仍然若隱若現，另一張相就見到佢拎住杯飲品，皮膚非常白滑，難怪網民都讚佢係辣媽！