夫妻互送禮物秘訣　周柏豪：靠心靈溝通

歌手周柏豪出席時裝品牌活動時透露，昨晚情人節要做Show，無奈要「掉低」老婆：「我哋好識搵位慶祝，太太冇所謂，又唔一定正日先慶祝，正日都唔係咁方便。（送咗咩？）冇呀！呢幾日感冒，日日好早瞓，都冇時間準備。」

不過，早前周柏豪已送了樓給太太，相信這份禮物已夠大份，笑言可以「頂幾年」：「之後仲有送裝修、傢俬，頂住先啦！（太太送咩畀你？）都冇喎！我哋唔搞呢啲好多年喇！平時睇啱咩已經即刻送，大家都好夾，喺唔同地方成日睇中同一樣嘢，心靈溝通好重要。」