戲迷驚喜慶生 青雲「老婆」期待續集演阿妹

20190215
東網電視
更多新聞短片
劉青雲獲一眾《廉政風雲 煙幕》嘅演員賀佢牛一。
影帝劉青雲明天(16日)正日生日,日前他與導演麥兆輝及林嘉欣等到戲院為英皇電影《廉政風雲 煙幕》謝票時,獲戲迷為他送上祝福,齊聲向他說生日快樂,令他大為感動!
唔係做佢媽咪就得
戲中演員嘉欣、袁詠儀、湯怡及吳岱融都為壽星仔送上祝福,雖然青雲向來Cool爆又威嚴,但原來大家都好「愛」他,男男女女都望快點再跟他合作。嘉欣說:「希望佢喺呢個咁特別嘅日子入面,同太太甜甜蜜蜜,好期待之後可以同佢繼續合作,因為呢套戲咁嘅成績,都想快啲拍續集,未必一定要做佢太太,做佢細妹、同學、同事乜都得,總之唔係做佢媽咪就得㗎喇!戲份多啲,祝佢生日快樂!」而袁詠儀則祝青雲身體健康、心想事成、生日快樂及事事如意。
湯怡祝繼續黑實
而湯怡表示希望青雲身體健康之餘,更搞笑說:「希望你繼續Keep住咁黑黑實實,咁Cool、咁有威嚴,同埋我想話,我唔再驚你㗎喇!希望快啲可以再合作,雖然係你生日,但依家個願望去咗我度!」而吳岱融則說:「青雲哥哥,好開心喺《煙幕》同你合作,之後都希望同你再合作,希望你身體健康、開開心心,生日快樂!」此外,青雲日前獲太太郭藹明和黃子華等老友為他預祝生日,非常熱鬧!
樂觀係最重要
青雲受訪時坦言今年很奇怪,正日之前有很多朋友相約他吃生日飯,又說:「好多好耐冇見嘅朋友送咗五、六個蛋糕畀我,我覺得好Surprise囉!我唔係一個鍾意慶祝嘅人,比較低調。」在戲中飾演其老婆的嘉欣即忍不住謂:「咁慘?」他說:「唔慘!我自己低調唔鍾意慶祝啫!但我自己都鍾意同人慶祝嘅!」說到生日願望時,他又一時感觸說:「希望大家身體健康,笑面迎人,遇到咩人生不如意嘅事,都樂觀面對,因為人生不如意事十常八九,樂觀係最重要!」
《廉》票房繼續報捷,在2月16日星期六截至中午12時,已超越2,600萬。