十年抱四!楊張新悅自爆與老公相戀經過

20190216
東網電視
更多新聞短片
11年婚姻,仲要有4個小朋友陪伴,滿足!
結婚11年的恩愛夫妻楊張新悅夫婦接受電台節目主持人車淑梅訪問,提到二人相識過程,她認為世事很奇妙:「當年我在香港大學修讀法律系,在朋友圈中見過一次,後來佢到英國牛津升學,我則當了歌手。幾年後再重遇,佢說大家係識,我以為佢『白撞』,佢拿出二人陳年合照先才相認。」
結婚11年,今年才首次去旅行慶祝,她說不介意,因11年來,她經歷了四次懷孕,兩人都喜歡孩子,但意想不到的是竟然十年抱四,可謂是意外驚喜。楊哲安笑說在情人節、元宵佳節,太太一定不會像其他人一樣,欲出外和其他人迫一餐「貴嘢」,所以他們選擇留在家中和四個女兒一起吃住家飯慶祝。
楊張新悅當年在娛樂圈傳被謝霆鋒追求過,她哈哈大笑:「冇呀,冇咁嘅事。」兩人只是一起工作,遇到就點點頭,提到雷頌德,她馬上封口,故作神秘地說:「佢係地下嘅,唔可以講;直到依家都係屬於地下嘅,哈哈哈!」點知老公卻表現開心:「講多啲、講多啲,我好有自豪感,打低咗咁多對手!哈哈哈!」