揸車踩油爆雞眼 林作撐拐杖現身

20190216
東網電視
更多新聞短片
一粒雞眼可以搞到咁嚴重!
唔做律師而加入娛樂圈的林作,到九龍灣錄影ViuTV節目《GOODNIGHT SHOW發洩擂台》, 同場尚有組合E-Kids、林曉峰及陳俞希等,林作右腳包紮傷口並撐住拐杖現身,他表示兩日前做了割雞眼手術:「今次係我第一次做手術,先知道麻醉同縫針嘅滋味,粒雞眼都幾大粒,有幾粒米size,之後會影響到着鞋、踢波,所以唔整唔得。(要幾耐先好?)因人而異,兩至三個星期,但醫生冇叫我唔好郁,結果我照揸車踩油,第一日傷口就爆線,成腳紅晒!(有冇囡囡氹番?)冇呀!搵咗個護士朋友幫我睇傷口,重新包咋!」
講到舊愛麥明詩早前受腳傷,問會否覺得同病相憐?他沒有正面回應,只說:「最慘今日錄影要做咁多動作!」記者再三追問,他再說:「點好意思講其他女仔嘅嘢,今年我要洗心革面,建立專一情深嘅形象,答任何女仔嘅都會畀人鬧。」
早前他在instagram自爆破產,要廉價幫人補習,他承認是吹水:「因為見到有街招話牛津畢業生補習收100蚊一個鐘,我覺得太荒謬,收一千蚊都不為過啦!覺得係騙子,我有同事打過去,真係有呢個人,不過就冇再跟進。」