Lokman@MIRROR新年冇派開工利是被「轟」

人氣男團MIRROR出席義賣曲奇餅活動，12子現身之處被粉絲逼爆圍觀，尖叫聲拆天，又即場義賣曲奇及寫新年揮春。至於12子表示自出道後參予不少慈善活動，而讀書年代亦少不免有賣旗及獎券。問到賣旗可有奇招？成員Stanley謂：「會讚佢靚女囉！」Anson Kong則說會用人肉圍牆，圍住對方。亦有成員說最有效方法是叫家人出手買獎券。問到姜濤可有賣旗經驗？他坦言：「冇呀，但屋企人會將利是錢捐去做善事。」不過其他成員指姜濤很喜歡小朋友，只要小朋友要他買旗或善事，姜濤都會做。

講到身為隊長的Lokman可有給11位隊員派開工利是？他笑言：「冇喎！」眾人即起哄笑言要補追。而新年期間MIRROR都有開賭局，有開兩枱打牌，其他人就負責斟茶遞水煮嘢食。