蕭正楠黃翠如拍拖耍花槍　閃到網友眼盲

藝人黃翠如同老公蕭正楠（阿蕭）一直愛得甜蜜，呢日星期六佢哋又諗啲新節目去玩，仲喺網上晒相添！佢哋去打羽毛球，翠如先放咗張球拍相同二人倒影照，之後再晒出一張大耍花槍對決相：「誰怕誰，運動健將。」兩個不知幾甜蜜，之後佢哋又再去食好嘢，見到有一大碟薯條同漢堡包，翠如仲擺出一個為食樣，相當可愛，難怪阿蕭都投訴話：「阿Sir有人偷野（嘢），有個小朋友，扭食漢堡包。」 網民都話被佢哋閃親呀！