黃曉明冇接40億票房大片？網民笑走寶

內地男星吳京及吳孟達合演的內地電影《流浪地球》，上映至今內地累積票房超過37億人民幣（約43億港元），成為中國電影票房總榜第二名，而首位則是同樣由吳京主演、票房有56.83億人民幣的《戰狼2》，吳京包攬中國電影史上最高票房的冠亞軍！

《流浪地球》隨住票房大收愈嚟愈多人關注，唔少花邊新聞相繼流出，當中包括有喺電影開拍前，導演郭帆曾經聯絡黃曉明，想搵佢演其中一個角色，最終因為檔期等問題，黃曉明唔能夠參與演出，有網民就笑黃曉明走寶！黃曉明知道消息後，搞笑喺社交網回應話：「這麼言之鑿鑿的謠言，我都差點信了。」佢仲轉載導演話冇搵過佢拍呢套戲嘅消息嚟闢謠。