城城匿通宵快餐店過活 睇中住屋題材接戲

2019年02月17日 07:10
東網電視
更多新聞短片
城城好關心社會問題。

天王郭富城2018年參與多部電影演出,其中一齣電影《麥路人》令城城最動容,他謂:「當時投資者知我喺康城,專登飛過嚟搵我傾,交咗個故事同大綱,睇完個古仔我係感動到無法言喻,即刻打畀經理人小美,希望能夠拍到呢部戲。」吸引到城城,因為故事是講香港人最關切的居住問題:「依家好多人係連籠屋都住唔到,以前啲人會去公園或者橋底露宿,但喺呢幾年發現好多露宿者會匿喺24小時嘅快餐店坐通宵。」

城城稱戲中就是演一名金融才俊,但因一次失誤而入獄8年,坐完監回歸社會,發覺與社會完全脫節,就一直喺24小時快餐店到「生活」,而同一時間遇到一群同是天涯淪落人,自己無家,但大家聚集在同一地方的「麥路人」,就變成一家人。城城坦言:「呢個題材,你哋聽完我講都覺得感動啦,呢個係同香港社會問題好有關,自己都有好深體會,令到對呢個角色好投入。」城城對這齣電影好有信心,相信有機會代表香港參加不同影展,而自己亦都好期待電影上映。