妙計教囡囡咪呷醋!郭富城爭影帝感激孕妻

2019年02月17日 17:21
東網電視
更多新聞短片
城城好期待第二胎嘅BB出世!

天王郭富城(城城)以品牌優雅形象大使身份現身「浪琴表香港馬術大師賽」,他表示今次已是第六度參與該活動,貴為馬主的他被問到有否讓囡囡接觸良駒?他坦言:「之前我嘅愛駒出賽,我都有帶囡囡入場,仲同佢講呢隻叫『馬馬』,佢見到其他良駒都會叫『馬馬』,好得意、好可愛!(你會唔會畀囡囡學策騎? )會,但因為我工作忙,而且要做巡迴演唱會,所以都要避免做太劇烈嘅運動。今次世界巡迴演唱會做兩年,開大概100場,三月頭開始,所以賽車同策騎運動都要暫停。」

抽空陪太太分娩

問到囡囡會否好掛住他?城城表示:「依家有手機,囡囡好叻,喺電話見到我會識叫『爸爸』。(太太方媛預產期時,你係咪會預留時間陪佢? )公司知我工作流程,會安排我喺太太分娩時騰空一啲時間。(你12月會否喺香港開巡迴演唱會? )未定實,呢一刻完成手上嘅巡迴先,香港站有機會喺明年。(依家太太係咪有咗五、六個月? )快㗎喇!快㗎喇!(心情係咪好興奮? )我自己呢一刻好享受有家庭成員,好興奮!身邊好多朋友都會教我,另一個小朋友出世,就要送份禮物畀大姐姐,令佢唔好呷醋。我都係學習中,喺生活上不斷學習,亦希望工作上有所突破,家人係我工作嘅原動力,因為唔止係fans睇,小朋友都會睇。」

日日都係情人節

另外,提到城城早前畀東網拍到與太太出街時,man爆護實險跌的太太,他笑言:「嗰日係情人節,不過老土啲講句每日都係情人節!我今日正式開工,所以之前有時間就陪太太行街。(會唔會叫太太小心啲? )佢依家有BB,我當然要拖實啲,係丈夫嘅責任。(好sweet。)呢個係我本身嘅性格,我工作忙,所以如果喺香港有時間就要照顧身邊重要嘅人,呢個好應該。」

方媛全力撐老公拍戲

談到城城憑電影《無雙》獲提名金像獎最佳男主角,他坦言要多謝太太:「當時第一胎嘅BB仲未出世,我拍嘅時候得到太太好大支持,令我唔使擔心第一胎嘅心情,可以投入工作。《無雙》無論喺票房同口碑都好好,每個頒獎禮嘅評審都唔一樣,我自己努力咗、付出咗就得,好開心可以入圍,係對我演出嘅表揚。(有冇信心贏有份提名嘅周潤發?)作為一個演員,信心一定要有,但唔可以爆棚,會以平常心做好自己。」

----------------------------
東網巨星開咗ig喇,大家快啲follow啦!
https://bit.ly/2JjSVcr