黎耀祥約劉青雲食團年飯　一餐乜都慶祝晒

藝人黎耀祥與劉青雲相識多年兼老友鬼鬼，兩家人每年都會拜年相聚，包括祥仔的太太Julia、兒子正橋及青雲太太郭藹明。

尋晚佢哋又有飯局，原來有好多嘢慶祝，Julia受訪時說：「其實真係好開心，二月係一個好日子，係我同祥仔嘅結婚周年紀念月，又係我同青雲嘅生日，每年我哋只記得青雲嘅舊曆生日，佢近農曆年生日，每年初一我哋都會去佢哋度拜年，不過今年祥仔要去新加坡登台，所以依家約食飯團拜。」

當晚，眾人先去歎日本菜，殊不知店主老闆娘捧出蛋糕為Julia慶生，不論為誰慶祝都好，大家都過了一個很愉快的晚上。