凌晨四點闖吳哥窟　潘梓鋒睇唔到最靚日出

無綫《東張西望》主持潘梓鋒早前偕同麥明詩等展開長途單車之旅，原來途中他寓工作於娛樂：「因為途經柬埔寨，而我一直好想去吳哥窟睇吓，點知又有工作人員附和我喎，所以嗰朝我哋凌晨四點鐘出發去參觀吓，朝早七點就回程，因為嗰日我哋嘅單車隊要踩足百六公里！可惜天公不作美，嗰日好厚雲，睇唔到最靚嘅日出，不過啲景真係好靚，值得一去！」談到《東》節目即將改為一星期播足七晚，潘梓鋒謂：「好開心能夠參與主持一個咁成功嘅節目，不過以後自己去旅行，度期放假就會難啲嘞，但都冇所謂，工作緊要啲。」