冰火交融！鄧以婷除羽絨　晒爆乳比堅尼照

憑無綫節目《3日2夜》人氣急升嘅鄧以婷（Irina），最近殺入內地橫店拍劇，佢喺社交網透露要預計三月先完成工作返港。為咗唔想一班粉絲心掛掛，Irina一有時間就更新社交網，尋日佢仲大晒性感照添，佢話：「由厚羽絨地帶，來到比堅尼世界，但人仍在內地。」

佢除咗晒出新劇造型，仲附送一張火辣比堅尼照，大晒豐滿上圍，咁識做向網民派發軍糧，難怪粉絲人數有增冇減啦！唔少網民見到佢呢身泳衣look，都好關心佢，驚佢冷親，紛紛叮囑佢要添衣保暖，相當窩心！