搵男友靠氣味?Aka@SG呻生日冇花收

20190221
東網電視
更多新聞短片
Aka想收花但又唔心急拍拖!
Super Girls隊長Aka(趙慧珊)受森美、劉翁、火火邀請,擔任主理愛情節目的客席主持。問到有何準備去應對他們的口才?她笑言:「佢哋叫我千祈唔好準備,好彩反應夠快都接到話,有時佢哋好好,會就我,我學到轉數快同執生。」她續謂學了不少冷知識,例如森美指有科學根據話女性尋找異性原來是靠氣味,而不是靠感覺,她表示:「係DNA作祟,我依家搵男友都會理性啲。」
Aka透露入行前都曾於其他電台做過愛情節目的主持,為聽眾提供愛情意見,但她自嘲當時不夠人生歷練:「所以畀人啲意見唔到位,依家就到啲啲,加上我最近都有寫專欄,都係關於情。」
問到現時的感情狀況?單身的她笑言冇諗,又大呻於剛過去的生日冇人送花:「都失望㗎!但今年試Solo出歌,都唔係呢個時候(拍拖),我係一拍拖就會想結婚。(趕生B?)媽媽想我快啲結婚,依家將希望擺喺妹妹度先,佢頂住先,因為佢就嚟結婚,如果佢不停生B,就不斷有喜事!」