陳凱詠自認男仔頭　涂毓麟獲Eric Kwok作曲

環球唱片今年強勢出擊，推出《Fab Four》新人企劃主題，一次過打造四個強勁單位，於今日「222」正式出道闖樂壇！當中包括涂毓麟（Oscar）、陳凱詠（Jace）、「搖滾力爆發樂隊」ONE PROMISE及「新生代節奏系樂團」Dusty Bottle，四個單位各自攜新歌兼MV現身電台進行頭炮宣傳，濟濟一堂！

其中Oscar孖Jace受訪，見Jace雙眼微紅，問到是否昨晚緊張到睡不着？她笑住否認：「係因為尋晚好夜都仲同大家一齊拍宣傳片，不過正式出道都有啲緊張。」續指首隻派台情歌《想突然》是自己的創作作品：「冇諗過公司會揀呢首歌，《想》本身係Demo嚟，同Dusty Bottle嘅成員JNY一齊作曲，最開心係造呢首歌嘅自由度好大，自己搵埋Rapper。（新歌係你嘅愛情故事？）係講一個少女等待嘅心情，其實我私下係男仔頭啲，冇咁少女，所以錄歌嘅時候都畀監製係咁叫我少女啲，但相信每個人心底都有啲等待嘅心情。（咁你呢？）不嬲都冇諗，依家專注做嘢先。（公司禁止拍拖？）咁又冇。」問到可會繼續作曲？Jace表示雖然未有定案，不過都會Keep住創作。

至於Oscar的出道歌《二人一世界》則榮幸獲師兄Eric Kwok（郭偉亮）親自操刀作曲，由ViuTV節目《全民造星》出身的他大爆，《全》導師之一的劉美君更親臨錄音室陪錄音：「佢畀咗鼓勵我，用咗一日時間執歌，其實比賽之後都冇諗過真係會出道做歌手，不過呢個比賽的確都幫咗我唔少。」有「氣質鋼琴王子」之稱的Oscar除了彈鋼琴了得外，還懂得小提琴、中提琴及管風琴，問到其後可會嘗試參與創作部分？他笑稱仍在學習中：「自己係以古典音樂為主，對流行曲就少啲經驗。」

問到二人一同出道，少不免會視對方為競爭對象？他們大笑指不會：「冇得比較，因為範圍都唔同，反而四組一齊出道更加好，有多啲時間互相畀意見。」

----------------------------

東網巨星開咗ig喇，大家快啲follow啦！

https://bit.ly/2JjSVcr