得兩個粒鐘學！康華呻排舞辛苦壓力大

藝人康華到電台宣傳新歌《拼火花》，她透露無綫劇集《法證先鋒IV》將拍畢，故會有更加多的時間跑新歌宣傳，又開心謂日前上節目《勁歌金曲》演繹新歌時，獲安排Dancer伴舞，更由好友林子超出手編舞，不過康華就大呻排舞過程好辛苦、好大壓力：「時間好緊迫，得兩個鐘嘅時間去學，又要喺一晚之內記住舞步，搞到個人好緊張，最後我錄低咗返屋企半夜再練，都驚嘈親樓下，好彩最後林子超都有讚我記得晒啲舞步冇漏。」之後會再跳舞？她顯得有點保留笑話：「有時間排都唔介意，時間太緊密會好大壓力。」

曾表示年底再推歌的她，問到可會趁《拼》有如此好反應而提前派歌？她表示要再逐步傾，又謂希望嘗試不同曲風：「可以考慮吓唱中女濃情嘅歌，講吓中女未得到真正感情。」