陳庭欣自爆留意男士下半身 麥明詩有好介紹
20190223
東網電視
更多新聞短片
陳庭欣同麥明詩出席華姐活動。
19位應屆國際中華小姐候選佳麗到紅磡一所健身中心進行星級特訓，獲藝人陳庭欣、麥明詩和黃庭鋒教路，身穿運動Bra Top的庭欣身形Fit爆，搶去一眾師妹風頭。
問到是否首次見今屆華姐？明詩說：「化妝間有見過，有啲冇化妝。（係咪好大分別？）唔同人有唔同分別，其實最緊要上妝。」庭欣表示曾在服裝間見過部分佳麗試泳衣，見到一位佳麗有長腿，但忘了是哪一位。她們又表示對上圍豐滿、（4）夏威夷的王慧媛印象深刻，明詩說：「佢皮膚金黃色……呀！應該係古銅色，同埋平衡力好好，我重心就低好多。」
講到做運動，庭欣表示不少男士做Gym只操上半身，因此會特別留意男士的下半身，引人遐想！明詩即說：「我介紹我單車教練畀你！佢下半身好勁！」問到庭欣的男友下半身如何？她笑言：「唔好咁快讚住，下半身同下半生都要努力。」
早前明詩拍踩單車節目受傷，她表示膊頭仍留有疤痕，透露其醫生胞兄有為她診斷：「佢話可能會淺色啲，但好小事，我係Sell內涵，冇辦法啦！人生總有不如意事，如果鍾意我就要接受我嘅一切。」
----------------------------
東網巨星開咗ig喇，大家快啲follow啦！