畀人話離地！關智斌搵「張生」發洩

藝人關智斌（Kenny）為ViuTV節目《Good Night Show發洩擂台》擔任嘉賓，被指沒有煩惱時，他說：「唔好咁講呀，啲人又話我離地，我都有好多壓力，經濟、生活同公司壓力，不過最大壓力係自己畀自己，因為嚟緊一年有好多Project，希望演藝事業再進步。（有咩新工作？）會有套新劇，係內地劇不過喺香港拍，都幾開心，收工唔使返賓館，可以返屋企瞓。另外第一次做生意，不過未講得，同埋報咗一個運動項目，都有難度，希望可以完成。」

問到要發洩壓力時，會否找張敬軒，他稱會找另一位張生：「會搵張致恒，係個幾好嘅紓緩方法，因為佢經常講爛Gag，對住佢冇壓力乜都講得。（咁張敬軒呢？）佢要忙餐廳，仲大壓力。（你幫佢減壓？）我最多幫佢洗碗。（佢會唔會同你訴苦？ ）佢好忙，佢孭住成間餐廳。（你投訴佢唔同你訴苦？）唔好畀個氹我踩。」問Kenny有否跟張敬軒慶生？他說：「佢生日去咗耶路撒冷，如果見到面，咪講聲生日快樂囉，係咪覺得人情紙咁薄，哈哈，我幫佢洗碗洗到雙手皺晒皮㗎！」