加拿大滑雪晒英姿　滕麗名當直升機係的士

藝人滕麗名同老公朱建崑結婚6年一直非常恩愛，不時都孖住旅行，仲甫相至社交網「放閃」。近日佢哋又再次出發，今次搵埋一班好友，齊齊去到加拿大滑雪。滕麗名連日嚟甫出多段喺雪地嘅自拍短片，原來佢哋今次嘅滑雪之旅仲出動到直升機，不停飛到唔同嘅位置進行滑雪，滕麗名仲透露佢哋一日坐足九轉直升機，更笑指好似搭緊的士咁，真係非一般嘅滑雪旅行團。

講到明係去滑雪，滕麗名當然要表演一下啦，見佢全程唔需要手杖輔助，只係用雙腳就可以將滑雪板控制自如，有姿勢又有實際，即獲網友激讚型到爆，亦有好多網民指睇唔出佢滑雪咁叻，認真估佢唔到！