資金問題　劉婷婷山區電影拍唔成

藝人劉婷婷（Coka）日前到將軍澳出席慈善遠足籌款活動，現場與數百人參與遠足步行，為支持山區助學及關懷孤兒服務籌募經費。原來她連續三年為該活動擔任籌款大使，婷婷說：「見到好多一家大細嚟參加，大家一早起身利用假日時間為慈善出一分力，真係好有正能量，我覺得好感動，都希望用自己嘅力量影響更多人，希望籌得嘅善款一年比一年多啦。」

婷婷又透露去年本有機會到內地山區拍攝電影：「我負責演山區學校老師一角，內容係用山區真實個案改編嘅。睇完劇本非常感動，所以一口答應演出，可惜最後因資金問題，遲遲未能開機。好希望呢套戲最後能順利開拍，我可以親身到山區，同該處嘅小朋友一齊拍攝，令大家更了解山區兒童嘅生活。」