被爆用華姐之名搵下線　黃翠金否認做傳銷

19位應屆國際中華小姐候選佳麗到主題公園拍攝花絮短片，但身穿密實風褸睇頭欠奉。三藩市代表（14）黃翠金被爆料指做傳銷，並利用華姐之名搵下線，對此她作出否認，表示自己是學生，沒有做過傳銷或相關銷售的行業，只兼職有關商務的實習工作：「我都唔知點解會有咁嘅爆料，咁唔同人有唔同爆料，可能係假。（係咪有人唔鍾意你？）唔知，我自己做到最好，人哋嘅想法我控制唔到。（怕唔怕影響評判印象？）我努力自己知，希望大家睇到我嘅表現。」

她又指跟其他相佳麗相處融洽，會互相鼓勵及分享小Tips，亦有其他佳麗送面膜給她，見她面上生了粒粒，她說：「我太興奮就自動爆粒粒，都提醒我要保養。」

----------------------------

東網巨星開咗ig喇，大家快啲follow啦！

https://bit.ly/2JjSVcr