叫老公家庭為重　吳若希：錢不能衡量愛

歌手吳若希（Jinny）同老公何兆鴻（Alex）婚後不時傳出婚變消息，不過Jinny每次否認傳聞，早前仲話要嚟個30days婚變challenge，每日都要講一個老公嘅優點。呢日就嚟到第7日，Jinny喺網上晒出一張Alex陪囡囡玩嘅相，並大讚老公會將最好嘅嘢畀晒佢，仲話何為最好，並唔係由外人定義：「如果一個人賺$2，拿$1給你，和一個人賺$10，拿$2給你，我會更珍惜那個$1。我老公不是甚麼大富大貴，但他會把他可以給的最好的都給我～最好的不是由外人去定義，而是由我們自己去決定的。」

Jinny仲話：「爸B，我想告訴你，錢雖然重要，但夠生活就好，你賺多少錢真的不是用來衡量你的愛，我要的愛是看到你一心一意為這個家去努力就夠了！你明白嗎？」