世紀合體!宣萱項少龍再續前緣拍電影

20190227
東網電視
更多新聞短片
好想睇!
藝人宣萱出席「萬希泉周年晚宴」,表示特地來支持好友沈慧林,兩人2017年合作過設計手錶,她謂:「都希望嚟緊再一齊合作,佢個人真係好好,鍾意同佢傾偈同交流。(會唔會請教佢做生意啲嘢?)唔會啦,我唔係做生意嘅材料,但同佢合作就ok,佢好信得過,佢只會蝕底畀你,唔會呃你,上次隻錶係做慈善,好彩隻錶算賣得幾好,本身當時市道差,都好擔心會累到佢,但又OK喎,因為當時《不懂撒嬌的女人》啱啱出,佢即刻趕隻錶畀我喺套劇度戴,所以成件事都好好。」
講到工作,問到之後可會再拍劇?她表示要睇有沒有適合,現時工作已排到八月,即將會到貴州開拍電影版《尋秦記》,問到可期待?她表示:「期待,但朋友仲期待,我成日將朋友嘅feedback話畀古天樂聽,咁佢都有聽到意見。(驚唔驚大陸拍戲熱? )唔會㗎啦,我六月一定要走㗎啦,古天樂都盡量將套戲嘅線分開啲,可以分頭行事。(電影同電視劇有連繫?)一定會有。(你會唔會有感情線?)我都未有劇本,一直仲改緊,希望出年可以上到套戲。」
----------------------------
東網巨星開咗ig喇,大家快啲follow啦!