Katy上清談節目爆未婚夫奧蘭度求婚瘀事

美國流行樂壇天后Katy Perry前晚上名嘴Jimmy Kimmel的清談節目，她在節目除了大騷影星男友奧蘭度布林（Orlando Bloom）送贈的訂婚鑽戒之外，亦首次講訂婚過程。

她大爆奧蘭度於直升機向她求婚，Katy於訪問中講述當日的情況：「嗰日係情人節，非常甜蜜，我哋去咗食晚飯，之後我以為我哋係去睇藝術展，但食完飯後，我哋卻上咗架直升機，佢喺直升機上叫我嫁畀佢，我哋之後喺一個天台降落，我全部嘅家人同朋友都喺嗰度，佢保密工夫真係做得好好！」而Katy亦爆奧蘭度求婚「瘀事」，當時他準備從衣袋裡拎出戒指，但那時戒指盒卻卡在衣袋內，奧蘭度用力拉時，手踭卻唔小心撞倒一樽香檳跌爛，令過程失去驚喜。