華姐：被傳做傳銷！黃翠金耍太極拒回應

《2019國際中華小姐競選》十九位候選佳麗在寶琳出席「現場觀眾至Like表演」，三藩市佳麗14號黃翠金最近被爆料指她在當地做傳銷，並利用華姐之名銜尋找下線賺錢。她日前否認做傳銷自稱是學生後再有爆料指她講大話，因在當地華人圈子裏，人人也知道她做傳銷，並指她在ig經常推介產品。

黃翠金對於大耍太極迴避說：「意思係咪話Sale嘢，我最想Sale嘅係中國文化。（咁係咪做傳銷？）我唔知咩叫做傳銷、直銷，但係我自己好鍾意用唔同牌子嘅嘢，亦好鍾意分享。（咁即係冇做傳銷？）好似頭先所講，我唔知咩叫傳銷、直銷。（傳銷咁難明白？）我可以返去做吓Research嘅。（迴避問題更加覺得你講大話？）我依家Focus喺比賽，大家會睇到我嘅努力。（咁多人指責你，會唔會你人格有問題？）人哋嘅諗法我控制唔到。」