搞咗廿幾次　岑潔儀拋寶牒幫全家祈福

唔少人都會趁住新一年去大埔林村許願樹拋寶牒祈福，啱啱生完細仔陳顥昇嘅藝人岑潔儀就趁住呢日冇咁多人先至去拋寶牒，作為「新手」嘅佢拋咗廿幾次先至成功，最後見到寶牒掛咗喺樹上，岑潔儀開心到成功跳起仲舉晒V，佢留言話：「為咗達成心願，拋咗十幾廿次，終於拋到啦，老公我得咗啦，我哋今年會好順利好好運㗎啦！」雖然成功咗，但岑潔儀都好奇問網友究竟要拋幾次先搞掂，再強調真係好難先拋到！