從未放棄唱歌！李璧琦執教10年獲頒感謝狀

藝人李璧琦一向有開班教唱歌，日前她獲「上海總會」頒贈感謝狀，表揚她為該會當歌唱班老師達10年之久，而當晚出席的還有著名金曲《説不出的快活》的原唱者葛蘭。講到演戲與唱歌的工作時，李璧琦表示從來沒放棄過唱歌夢：「之前我推出咗新歌《只想緊緊抱住你》，短短5日內喺Facebook同IG加埋有差唔多30萬點擊率，對我嚟講係一種鼓舞，因為做一個自資歌手，每一分力都係嚟自自己同團隊，所以好珍惜觀眾嘅反應！」她亦感謝身邊有很多朋友仗義幫忙：「例如MV導演係打燈同拍攝一腳踢，幫我演奏嘅大小提琴家都係中學同學同《星夢傳奇》嘅指揮，而剪接MV嘅朋友更係大住肚都嚟幫忙，所以每一個點擊率都係對我哋嘅支持！」