王鎮泉陳婉衡為奧斯卡吹足90分鐘水

20190302
東網電視
更多新聞短片
王鎮泉陳婉衡一齊合作《第91屆奧斯卡頒獎禮》紅地氈實況。
無綫娛樂主播王鎮泉(Jeoffrey)日前為《第91屆奧斯卡頒獎禮》本地直播節目任司儀,主力報道紅地氈實況Live,已連續六年參與該直播,Jeoffrey直言感榮幸,再加上拍檔亦是合作無間的陳婉衡(Alycia),雙方盡現默契。為了應付今次盛事,Jeoffrey早於一個月前已開始做準備:「本身都做好多荷李活電影專訪,所以一直都好留意荷李活電影,加上自己好鍾意,所以可以話係寓準備於娛樂。做紅地氈Live最大挑戰係要『吹水』吹足90分鐘,做少啲功課都唔掂。
另外一個好難嘅地方就係認人,紅地氈上面出現嘅影星次序好隨機,加上好多香港人唔太熟悉嘅影星,如果換咗特別髮型同晚裝,當下要即刻認出都係挑戰,惟有靠事先『睇多佢哋幾面』。」更指與Alycia事前未有商量服飾問題,沒料當日竟然不約而同穿紅色,果真心靈相通。