同鍾珍出生入死　張家輝：佢會幫我擋子彈！

影帝張家輝於英皇電影《廉政風雲 煙幕》內，有袁富華為他出生入死，然而現實生活中，自稱宅男的家輝表示身邊好友寥寥可數，不過約4、5年前簽約經理人鍾珍旗下後，二人關係一直亦師亦友，家輝笑指鍾珍可算女中豪傑：「佢有時有『雷』過啲男人，相信真係要幫我擋子彈嘅話，佢會係第一個衝出嚟！我哋步伐算一致、好有默契，已經唔止係經理人同藝人咁簡單。」

說到圈中摯友，家輝不得不提「阿哥」張學友：「大家一直都識嘅，直至6、7年前喺個朋友派對內傾偈，大家深入了解，開始多咗聯絡。我細個睇佢嘅工作態度同待人接物，都影響咗我好多。我哋都唔係日日通電話，但太耐冇消息嘅話，佢會搵我、我又會搵吓佢咁。（想同學友合作？）冇得強求，有機會梗係好啦。」

談到《廉》片內他的角色似操控一切，被導演麥兆輝形容為「控制狂」，家輝感激對方給予足夠的自由發揮空間：「佢好細緻，文戲主導。佢任由我發揮，但又有底線，所有嘢佢都有留意到，即使我嘅視線，佢有時都會提醒我。」