華姐：賀灕灑拱橋向彭丹致敬

《2019國際中華小姐競選》今日舉行，去到才藝表演環節，19個佳麗有12個表演跳舞，冇咩新意咁！但香港代表陳曉華就玩另類，表演空中呼拉圈，雖然開始時有啲失手，但之後重拾自信，愈戰愈勇，幾突出㗎！另外，吉隆坡代表賀灕灑就表演街舞，跳有板有眼，最後整番個拱橋，向始祖彭丹致敬！

才藝表演環節得最高分三位佳麗，排名不分後，分別為表演空中呼拉圈但稍有失手嘅香港代表陳曉華、表演芭蕾舞嘅11號墨爾本代表謝曉穎同埋跳民族舞蹈嘅17號大溪地代表楊美麗。