威盡港姐華姐！細數歷屆雙料冠軍

應屆港姐冠軍陳曉華於《2019國際中華小姐競選》勇奪冠軍，其實過往都有唔少港姐冠軍參選華姐時再下一城，成為選美界嘅雙料冠軍。

李嘉欣

1988年，李嘉欣於《香港小姐競選》同時奪得冠軍及國際親善小姐，同年再代表香港，參選首屆《國際華裔小姐競選》，再次奪冠，更贏得最上鏡小姐獎項，成為首位同時奪得港姐及華姐冠軍的佳麗。

郭羨妮

1999年，香港小姐冠軍郭羨妮，於翌年參加2000年《國際華裔小姐競選》，再次為港爭光，勇奪冠軍殊榮，成為一時佳話。

陳凱琳

2013年，港姐冠軍陳凱琳於2014年參選《國際中華小姐競選》時以大熱姿態榮登冠軍寶座，是繼郭羨妮之後，相隔14年再有香港代表奪冠，而陳凱琳亦曾透露係受郭羨妮啟發，先踏上咗選美之路。