華姐:心情勁驚!冠軍陳曉華認有失手

20190302
東網電視
更多新聞短片
最終都贏到冠軍,係實力嚟!
香港代表陳曉華(Hera)以大熱姿態奪得《2019國際中華小姐競選》冠軍,乃繼李嘉欣、郭羨妮、陳凱琳後,第四位港姐冠軍後封華姐冠軍!
Hera賽後受訪時直言既感動又激動:「因為事前準備唔係好夠時間,才藝第一下已經失手。(你係第四個港姐冠軍代表贏華姐冠軍。)好開心同榮幸。(覺得自己贏咩?)全程享受比賽,一踏上台已經好享受。」對於才藝表演連番失手,Hera不諱言當時心情勁驚:「我個表情一度扭曲,希望大家睇唔到啦!(贏咗會點慶祝?)梗係同佳麗一齊食嘢,因為之前節食咁耐。(覺得今次贏有主場之利?)最有利係放鬆,其實呢個舞台我都上過,之前選港姐都係呢度一廠舉行,所以有少少優勢。」