江嘉敏爆有女女床戰 余德丞讚陳瀅好咀

20190303
東網電視
更多新聞短片
余德丞同陳瀅有咀戲,仲讚女方幾好錫!
藝人余德丞及江嘉敏出席新劇《福爾摩師奶》宣傳,戲中他們與陳瀅有三角關係,江嘉敏笑指自己「執二攤」:「余德丞心目中只得一個女神,就係陳瀅,不過後嚟佢遭拒絕,先同我一齊。」她又自爆劇情峰迴路轉:「會講我同陳瀅有激烈床戲,監製叫我唔好講太多,不過兩個女仔黐到咁埋講對白,都真係有啲尷尬。」她表示二人最終沒吻戲。問到劇情需要的話,她會否介意與同性激咀?江嘉敏答:「劇情需要可以。」
至於余德丞今次只有機會與陳瀅接吻。談到螢幕初吻,原來早已給了陳家寶,問到可介意與緋聞女友蔡思貝拍咀戲,他說:「一路同佢合作綜藝節目咋,如果要咁(拍吻戲),要動用好多人力物力先得。(介意?)角色需要嘅話,咀男仔都要啦。」江嘉敏即笑着大爆:「佢話畀我聽陳瀅好嘴。」搞到余德丞尷尬謂:「唔好亂講呀,不過佢嘅嘴唇幾豐厚,算係幾好錫嘅。」