歌迷福利！田蕊妮想加推「蜜蜜送」名額

近年增添歌手身分的田蕊妮（阿田）今日出席電台活動獻聲，受訪時自爆是首次唱Live：「之前係唱人哋嘅歌，今次係第一次唱自己首新歌《半段路》，雖然都有上過《勁歌金曲》唱Live，但就未試過下面有埋觀眾，原來都好緊張。」有緊張到忘記歌詞？她笑話：「原來自己嘅歌係唔會唔記得，反而唱人哋嘅歌先驚！」

講到之前曾推出「阿田蜜蜜送」宣傳活動，如果訂購新碟10隻或以上，阿田會做「外賣妹」親自上府送碟兼簽名及影相，不過名額只得3名，問到可會想再加推名額？她即興奮謂好想繼續做：「依家買到10隻或以上嘅實體碟係好難得。（唔辛苦？）唔辛苦！仲好開心，同埋會覺得好感恩，有人買咁多隻碟，其實就好似去戲院謝票咁，仲有同公司講想去勻咁多間唱片舖搞簽名活動，要等公司安排。」