獲讚骨架精緻！陳瀅有潛力成時尚之星

藝人陳瀅與星級造型師郭慶彬（Ricky），應品牌邀請到巴黎時裝周睇騷，二人在會場上碰面，Ricky大讚陳瀅靚女又性格平易近人：「開騷前同佢傾偈，佢話第一次來巴黎fashion week，嚟咗5日，覺得好新鮮好靚。原本以為去巴黎好hill，點知工作好緊密，冇時間去shopping。」他續指陳瀅骨架精緻，具有潛質成為新一代時尚之星：「當我讚佢骨架靚、着衫好睇時，佢好謙虛話自己好難搵衫。原來陳瀅着衫好有要求，好似當日呢個造型，佢話事前試咗好多套衫，先決定呢套，對打扮好有要求。」

Ricky與設計師Andreas Kronthaler聊天，指Andreas讚他把其作品演繹得入型入格：「佢讚我着佢啲衫好有型，仲讚我頂帽特別，呢頂帽係上年喺日本買，佢仲除咗落嚟研究，好有趣！」他表示Andreas透露今年9月將來港：「佢好鍾意香港，因為上次來留得唔耐，今次來希望讓多啲內地客人，了解多啲品牌嘅理念。」