飛輪海呀!鄧以婷孖辰亦儒拍戲夢想成真

20190303
東網電視
更多新聞短片
鄧以婷話讀書時好鍾意飛輪海,所以今次可以同成員辰亦儒拍戲好開心!
曾為TVB拍攝節目《3日2夜》,被稱為「最喜歡派福利」的鄧以婷(Irina)現正身處內地橫店為電影《九尾狐》拍攝。片中她飾演九尾狐中的大師姐「芸婷」,同場也有其他著名藝人,如前「飛輪海」成員辰亦儒及香港的蕊蕊。
首次拍古裝片的她,提到對手有男神辰亦儒時,表現得超興奮:「我小時候已經超鍾意睇古裝片,覺得好靚好有趣,有好多現實遇不到嘅嘢。今次可以着住古裝同吊威吔,係完咗我入行以嚟想做嘅嘢!另外一個夢想成真嘅係可以同辰亦儒合作,因為『飛輪海』係我讀書時超鍾意嘅組合。以前佢哋嚟港開演唱會,我都有儲錢同排隊買佢哋嘅演唱會飛。辰亦儒個人好友善,經常同我哋講笑!」
由於該片有10個女主角,問到Irina可有突出自己的方法?她說:「我覺得監製同導演好厲害,佢哋可以搵到10個來自香港、台灣、馬來西亞、北京嘅女仔,而且我哋各有特點,所以唔覺得有競爭性。反而我哋相處得好好。佢哋教我普通話同東北話,我就教佢哋廣東話。我哋嘅藥、保暖包同零食都會互相分享,放假嘅時候我哋又會約出去輕鬆吓。我同蕊蕊較熟,因為我哋喺香港已經認識,但喺戲入面我同佢係對立的,而且有對打戲,一齊吊威吔,好有火花!」
至於向來是「福利官」的Irina在戲中性感欠奉,她坦言最性感也是露露腿而已,更性感部分留給小師妹們。