陳瀅出戰巴黎搵食　晒法文主動溝靚仔

藝人陳瀅近日應邀出席巴黎時裝周，她寓工作於娛樂，欣賞時裝騷之餘更四出「覓食」：「估唔到當地造型師好嚴謹，睇騷都要幫我扮到好靚，由頭髮到衣飾都一絲不苟。時裝騷舉行期間，坐喺我隔籬嘅唔係名人就係blogger，大家大方交換社交網站作日後聯絡，又會約騷後食飯，多咗好多朋友。」

於加拿大成長的她，求學是有修讀過法文，想不到這次真的大派用場：「有日見到個男仔好靚仔，猶豫緊要唔要上前打個招呼，身邊嘅工作人員同助手都話一場嚟到，識多個朋友冇壞，咁我就膽粗粗上前同佢用法語傾偈，點知講咗幾句就詞窮。其實我覺得法語好好聽，日常生活亦有用，依家諗緊返嚟香港會再重新上堂。」問到有否爭取機會與「男神」合照，陳瀅笑答：「冇呀，怕醜呀！」