陳勉良冇探徒弟李香琴：唔想打擾佢

甘草演員陳勉良於中環開個人畫展，展出多幅3、40年前他所畫的作品：「有啲係一個星期前先僅僅畫起，最擅長畫山水同花卉，平時去內地開外景，喺特別嘅情況之下，會叫助導拎紙、筆嚟勾畫出個景象先。（依家有繼續幫TVB畫道具畫？）間唔時都仲有，有時拍戲喺半夜三更，美術部又收咗工，導演想要張實質少少嘅畫就會叫我幫手畫。」問現時有再開工扮「道友」？他謂近年較少：「冇『道友王』，驚教壞細路。」

問可有畫作不拾得割愛拍賣？他謂都有：「有張6呎高嘅山水畫係唔捨得賣，但最後都賣咗畀位同事，佢都好好，話如果我要開畫展都會借出嚟展覽，而有時都會主動參加慈善拍賣，賣出啲價錢都唔錯。」經常忙於畫畫家人有詐型？他謂：「呢世人最幸福，係遇到兩位太太都好支持我。」

講到李香琴和米雪是陳勉良的徒弟，問到可有探患腦退化的李香琴？他說對上一次見面已經是4年前：「佢喺古裝街拍緊戲，我就喺隔籬廠拍，拍完就過咗去同佢打招呼，依家知道佢依家有時喺醫院，有時喺護老院，都唔好意思（打擾）。」