恨似楊紫瓊咁打得！陳瀅搏盡3樓跳落嚟

「宅男女神」陳瀅最近飛咗去巴黎，雖然只逗留咗數日，但行程緊密，十分充實。她出席多個時裝騷，完全感受到時尚氣氛，亦深深感受到做一場騷不容易，她說：「雖然場騷半個鐘都冇，但設計團隊可能要籌備半年以上，好感受台上一分鐘台下十年功。」而從小加拿大長大的她，開心表示所學的法文今次終於派上用場：「我廳餐或同當地人傾偈都溝通到，啲同事都意外我識法文。」

在當地出席最後一場騷時，她謂能見到楊紫瓊，而同場還有陳喬恩、《延禧攻略》順嬪張嘉倪、法國名導演洛比桑（Luc Besson）女兒Juliette Besson、星級造型師郭慶彬等出席。她大讚楊紫瓊演得又打得：「佢係我演藝事業目標之一，荷里活有咁好嘅成績，是亞洲人之光。」她透露自細有學拳，希望將來似楊紫瓊咁打得。提到楊紫瓊為武打付出好多，不時受傷入院，會否嚇怕？陳瀅說：「唔會，每件事都要付出，我之前都有拍動作場面，拍《黃金有罪》時，有場戲要從三樓跳落嚟，本來有替身，但我堅持親身上陣，身邊朋友都有問過使唔使咁搏，但當時我冇考慮咁多。」

與品牌設計總監王陳彩霞十分老友的楊紫瓊專程撐場，對於早前小腿受傷要入院縫10針，楊紫瓊表示傷口已拆線，雖然可以走動，但遺憾會留下疤痕。