演業餘拳手狂操肌 馬志威頂唔順要偷食！
20190306
東網電視
更多新聞短片
馬志威為新戲真係好大犧牲！
由藝人馬志威（Edward）、林耀聲、楊柳青、葛民輝和元秋等主演之電影《入鐵籠》中，Edward飾演業餘拳手，為效果更逼真，開戲前接受一個月訓練，一星期操足六日，難怪他說：「係一生中最辛苦嘅經歷！每星期操6日，每次6小時；會先做重量訓練，做十幾組，Sit Up同掌上壓一日Keep住都做200幾下，之後先再練綜合格鬥動作；每日飲食又要非常清淡，冇啖好食。」
Edward更搞笑地說：「每日去到現場嘅飯盒都係烚雞肉及烚菜，同林耀聲嘅主要話題都係圍繞當日嘅雞同菜煮成點，呢段時期都好辛苦，所以都有試過頂唔順，偷食少少朱古力。」最終Edward練到Fit爆身段，辛苦有價！
既然要演出拳手，Edward事前都看過很多MMA比賽作參考，導演有給他參考Conor McGregor的短片：「記得有一場決鬥，導演要求我囂張啲，參考吓Conor McGregor，拍出嚟大家都話好『招積』；但我喺電影入面唔淨係參考咗Conor McGregor比賽嘅一面，其實更想話畀觀眾知，佢喺擂台可能係好『招積』，但係拳手真係做咗好多賽前準備功夫，無論係增磅定減磅，同埋賽前過磅脫水，都係好考意志去完成。」
----------------------------
東網巨星開咗ig喇，大家快啲follow啦！