努力搵奶粉錢　莫家淦迎接細仔出世

無綫藝人莫家淦由娛樂新聞組調入戲劇組後，感謝好多監製給予機會：「依家分別拍緊《極度怪咖》、《愛．回家之開心速遞》同《唐人街》。雖然每套都佔戲唔多，不過差唔多日日要開工，嚟緊仲會通宵接日班，捱下冇所謂嘅，第二名（太太再次懷孕）就出世喇，緊係要努力搵奶粉錢啦！」

談到太太稍後生產，他坦言：「佢生得嘅時候，我應該啱啱忙完手頭嘅劇集，亦已經同公司請咗侍產假。（今貽BB性別？）都係仔，應該暫時唔會再追。大仔知自己就嚟做哥哥，佢話要幫手湊細佬同保護媽咪。（冇呷醋？）冇呀，不過我都好識做，依家無論點都朝早八點送佢返學。」