三料提名！余香凝出戰金像獎想仿傚廖子妤

藝人余香凝、余潔瀅、廖子妤、組合Super Girls、麥子樂、黎學勤、鄺潔楹和歌手陳詩欣等出席公司開年飯，並順道為3月尾生日的廖子妤預祝生日。Super Girls成員Heidi（李靜儀）身在巴黎時裝周，未能出席，但仍抽中護膚品，而其他成員Yanny、Jessica、Aka及Cheronna均有中獎，新加入公司的麥子樂更抽得大獎，獲現金獎5千，認真Lucky。

即將迎接29歲的廖子妤，生日願望是要實現去年未達成的願望，她表示︰「我想做導演，想寫自己嘅故事，希望今年繼續朝住呢個目標進發。」好友余香凝力撐對方做導演︰「搵我做演員呀，佢話搵我㗎，係咪主角我都冇所謂。」廖子妤笑說︰「等我寫得成先啦，工作排到年中，要之後先有時間去寫。」並指今年已是二人連續三年一起慶祝生日，認真老友鬼鬼。

至於三料入圍角逐今屆金像獎的余香凝，坦言開心但有壓力，她說︰「我係好緊張會諗好多嘢嘅人，因為覺得自己仲係好新，有時會擔心做得未夠好，對將來嘅演出會多了壓力。」她又稱廖子妤去年穿西裝出席金像獎型到爆，今年有意仿傚對方。