回憶湧現！郭慶彬險錯過老佛爺遺作

時裝界傳奇設計師「老佛爺」Karl Lagerfeld上月離世，其主理的品牌Chanel 2019秋冬為告別作，昨日在巴黎時裝周發布，作為座上客的星級造型師郭慶彬（Ricky）自爆險錯過老佛爺遺作！

他透露前往會場時發生小插曲：「前一晚已經失眠，因為好期待Mr. Karl Lagerfeld嘅告別作，第二朝好早就起身裝扮。搭的士去到場地時，先發現唔記得帶錢同邀請卡，嗰刻好徬徨！好驚入唔到場、miss咗場騷，好彩趕得切折返去拎。」Ricky坦言此騷對其時裝生涯意義重大，因為人生第一次去巴黎睇騷，正正就是老佛爺的騷，極為珍貴，他續指：「開場時大家默哀一分鐘，悼念Karl Lagerfeld，嗰刻湧晒以往佢同品牌嘅回憶，現場靜到耳仔有刺痛嘅感覺！」今季以黑白經典tweed設計為主，他表示特別喜歡當中的黑白格仔長褸，款式為Karl Lagerfeld的代表作。