攬實加藤鷹！黃榕鍾意男友要夠「大」

女星黃榕日前與日本殿堂級AV男優「神之手」加藤鷹出席活動，她更攬實加藤鷹自拍，相當興奮。她大讚加藤鷹非常有禮貌：「第一次見面佢主動同我握手，佢握手嘅力度好溫柔、溫暖，而且非常親切、笑容滿面，我仲專登帶咗本寫真送畀佢，佢好有禮貌即時睇完仲大讚我性感可愛！」

問到加藤鷹可是她喜歡的男性類型？她坦言喜歡男朋友一定要「大」：「唔係年紀大，係要有強大嘅手臂同胸膛，因為鍾意翹住男朋友手臂，同瞓喺男友胸膛，之前都有試過同日本男模拍拖，日本男仔真係非常溫柔同呵護體貼，不過依家我鍾意運動粗獷型男多啲。」