真相！迪麗熱巴揭明星魔鬼減肥食譜唔Work

新疆美女迪麗熱巴係大陸新一代上位女神，係少女們爭相模仿嘅對象，連整容都要跟佢個樣整咁滯，真係唔講得笑。正當大家都以為索女明星一定係又節食又狂做機去Keep身材時，迪麗熱巴最近受訪就自爆原來自己鍾意食甜嘢，嗌奶茶仲要加雙份奶霜，熱量爆標，點知飲足一個月之後竟然瘦咗，佢都唔好意思咁解釋：「每個人體質不一樣，別人拿我的經驗嘗試然後胖了。」

佢又自爆曾嘗試戒糖，因此佢睇完紀錄片後發現糖分攝取過多容易造成肌膚老化，加上眼見一位曾合作嘅男演員戒糖4年，外形比實際年齡輕10歲，因此動念效法，但自己親自試過之後，發現控制到第4日就頂唔順，佢就調整方式，吃一小舊蛋糕滿足口慾及心靈後，就有動力繼續努力，因此佢提醒大家要依照自己體質調整先係正確方式。

至於坊間常常流傳女明星戒鹽戒油戒糖戒肉兼絕食等嘅「魔鬼減肥食譜」，迪麗熱巴就爆料話：「說實話，沒見過這樣吃的，長期吃身體承受不住。」同佢食過飯嘅女演員都係正常咁食嘢，頂多為了角色需要減肥，不過都係跟階段性嘅食譜，例如吃蘋果、花椰菜、沙律等，依照專業指示循序漸進。

雖然佢天生麗質，不過上年佢做金鷹女神時，一襲半透視設「龍袍」加身卻被笑手臂粗壯，仲因而推上熱搜。