搞晚宴籌款 黃澤鋒代藝進同學會問候發哥

20190307
東網電視
更多新聞短片
黃澤鋒(左)祝永遠榮譽會長周潤發早日康復!
「藝進同學會」今晚舉行情濃30載晚宴,周潤發是該會的永遠榮譽會長,出席藝人包括馬德鐘、蔡子健、胡楓、李國麟、戴志偉、何嘉麗、安德尊、譚玉瑛、鄭世豪、鄧英敏、鍾景輝等。作為副會長的藝人黃澤鋒透露今晚擺了55席,另有10席是工作人員,問他希望籌到幾多善款?他說:「正確數字要稍後先公布,預計籌到5、60萬應該冇乜問題。」他表示今晚有很多屆同學藝人出席,由第一期訓練班的呂有慧、許紹雄開始,基本每一期都有同學到。
提到周潤發拍戲爆缸入院縫5針,黃澤鋒說:「今日知道發哥整親,仲縫咗5針,我哋有請佢嚟,初頭都預計一半半機會,因為知佢要拍戲,估唔到佢仲要受傷,六合彩又唔見中,我都會代表個會問候發哥,知道佢受傷要繼續開工,亦係我哋個會精神,樣樣都要做好,希望佢早啲康復,愈做愈紅,紅到上宇宙!」
講到資深藝人吳博君是漸凍症病人,黃澤鋒表示:「佢係資深會員,我哋有籌善款幫助佢,有介紹醫生同藥物畀佢治療,幫得幾多都支持佢,我身為副會長,團結會務,聯繫同學係我責任。」
----------------------------
東網巨星開咗ig喇,大家快啲follow啦!