超級凍齡媽咪！林明禎着旗袍騷凹凸身材

馬來西亞女神林明禎擁有32E、22吋纖腰嘅魔鬼身材，除咗性感之外陽光甜美形象亦深入民心，早前佢飛返馬來西亞度假嘅時候，就同模特兒姐姐林詩枝影旗袍「寫真」，再Post上網同Fans開心Share，着上紫色系緊身入膊旗袍嘅兩姊妹，前凸後翹好身材一覽無遺，簡直係完美嘅S身段，而佢哋嘅甜美笑容更係瞬間迷倒一眾Fans！

不過「重頭戲」就落喺另一張相度，明禎嘅媽媽同樣都係着上緊身旗袍，手拎兩個橙同明禎兩姊妹影相，3個人企埋一齊嘅呢張合照十足三姊妹，其中明禎同媽媽直頭係餅印款咁一模一樣，超強基因！母女3人同時露出燦爛笑容，媽媽臉上幾乎冇留低歲月嘅痕迹，一啲都睇唔出佢今年已經53歲，凍齡技術相當驚人！另外，明禎都有着住旗袍大騷指功，隨即用鋼琴演奏，呢幾十秒短片意外令露背旗袍裝暴露，獲眾Fans大讚吸睛！