腫瘤USPC較惡　痊愈率僅50%

藝人金燕玲自爆患癌，並動手術將子宮內的惡性腫瘤USPC切除。婦產科專科醫生余啟文指USPC腫瘤比一般腫瘤較為惡：「一般子宮癌有八至九成康復機會，但呢隻只係得五成機會，所以患者做完切除手術，要將個腫瘤拎去化驗，睇吓係第幾期、有冇擴散，之後仲要做化療，覆診亦要比其他人密。」

對於金燕玲指將淋巴、子宮及盲腸切除，余醫生表示因淋巴較容易復發，故切除能減低復發機會。他又表示患者仍需接受五年的觀察期：「如果再發病，咁就要再做化療同食藥，到時睇吓擴散喺邊，再對症下藥。（有咩要注意？）早睡早起，保持開朗心情。」