呂慧儀離婚　《愛回家》滕麗名嘆好可惜

無綫熱爆處境劇《愛．回家之開心速遞》中主要角色呂慧儀，凌晨時段突然與結婚七年嘅老公黃文迪發聯合聲明，宣布離婚表示喺上年已經由夫妻變做朋友嘅關係！同樣參與拍攝《愛．回家》嘅滕麗名坦言對於呢個離婚消息感到好突然：「從來都冇諗過，我真係覺得好突然，當然亦都覺得好可惜，希望佢唔好唔開心啦，我哋會支持佢！（之前有冇察覺呂慧儀情緒有異樣？）我啱啱放完假先返，冇察覺到有嘢，（會點樣安慰佢？）陪佢多啲傾吓偈同食吓飯，等佢開心吓。」